وين ايامك يا ستي؟؟؟؟

وين أيامك يا ستي؟
لما كنت تصلي الفجر وتحضري
الزادة والزوادة والعقدة
وتروحي العمارة عند سيدي
وايام الحصيدة
تغني للحصيدة
وسيدي يكيف على مغناك
وين أيامك يا ستي لما كنا نجتمع المغرب كل العيلة
في بيتك
ونلعب ونتحمل بعض
الزلام لحال والنسوان مع بعض يتساعدو في المسامرة وتحضير الأكل والشاي
للعيلة
ومنقوش الزعتر بالطابون
وقباية شاي
والسليقة والقلية
وسيدي
يكيف ويكون مبسوط
باولاده عزوتو مش مثل اليوم طفشان من الكنة واولادها
ساق الله أيامك يا ستي
لمل تواصلي الليل بالنهار.... ل تحضري الزادة والزواده
وبالشتا لازم الكل ييجي يدفى
في بيتك الدافي
عالكانون .... وتحطي البطاطا والبلوط في الطابون لتطعمينا
ساق الله ايامك يا ستي

وكانت تقول:
إذا البيت ما وسعكم............... بعيني وبقلبي أحطكم

والغايب الو مطرح في قلبك وعينك تذكري تخبيلو حصتو
لتوديها مع أي مسافر
ما تتهني بأكل والا شربة مي
للكل يخلص
وتقول ما عليكو مني

تتلذذ بالعطا عشان الكل يكون مبسوط
ويعيشو حياة هنية
وآخر اشي تتذكر حالها
وقصة الغولية
وما نعرف انام حتى نسمع خرفية
من بركة الجمعة الهنية
ونتغنى بأم زمان
ساق الله ايامك ياستي
يا جماعة الخير، اسمعوا ها المقطع الصوتي لفتاة تتذكر ايام ستها
و كلماتها الحلوةو بلهجتها الفلسطينية (روووووعة)
.. ودمتم بحفظ الله

ووين ايامك يا ستي؟
تحميل
[url=http://moatezd.googlepages.com/ween_ayyamek.mp3]http://moatezd.googlepages.com/ween_ayyamek.mp3[/url]

الله يرحمك يا ستي...؟[/size]
[/size]

الله يرحم كل الأموات
الست هي الأم الثانية
يسلمواااااااا

الله يسلمك

عنجد وين ايامك يا ستي يا ست الكل
الله يرحم جميع الاموات
يسلموا على هيك موضوع بعقد
وين ايامك يا ستي؟؟؟؟ 360863

انت اللي بتعقدي خيتو
يسلمو دياتك للمرور